News

വ്യോമപാത തുറന്നു നല്‍കില്ലെന്ന് പാകിസ്താന്‍..!!

പാകിസ്താന്‍ വ്യോമപാത അടച്ചത് കൊണ്ട് എയര്‍ ഇന്ത്യയ്ക്ക് പ്രതിദിനം 13 ലക്ഷം നഷ്ടം സംഭവിക്കുന്നതായി കേന്ദ്ര വ്യോമായന മന്ത്രി ഹര്‍ദീപ് സിങ് പൂരി. ലോക്‌സഭയെയാണ് മന്ത്രി ഇക്കാര്യം അറിയിച്ചത്. വിമാനങ്ങള്‍ വഴി തിരിച്ചു വിടുന്നത് കൊണ്ട് യാത്രാ സമയം 15 മിനുട്ട് വര്‍ദ്ധിക്കുന്നതായി മന്ത്രി പറഞ്ഞു. നിരോധനത്തിന്‍റെ തുടക്കത്തില്‍ പ്രതിദിനം 6 കോടി നഷ്ടം വന്നതായി എയര്‍ ഇന്ത്യ പറഞ്ഞിരുന്നു. അതേസമയം വ്യോമപാത തുറന്നു തരണമെന്ന ഇന്ത്യയുടെ ആവശ്യം നിരസിച്ചതായി പാകിസ്താന്‍ ഏവിയേഷന്‍ സെക്രട്ടറി ഷാരൂഖ് നുസ്‌റത് പറഞ്ഞു. ഫെബ്രുവരി 26ലെ ഇന്ത്യയുടെ ബാലാകോട്ട് ...

Read More »

യൂനിവേഴ്സിറ്റി കോളജില്‍ സംഘര്‍ഷം; വിദ്യാര്‍ഥിക്ക് കുത്തേറ്റു..!!

യൂനിവേഴ്സിറ്റി കോളജില്‍ എസ്.എഫ്.ഐ പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍ വിദ്യാര്‍ഥിക്ക് കുത്തേറ്റു. സംഘട്ടനത്തില്‍ മൂന്നാം വര്‍ഷ വിദ്യാര്‍ഥി അഖിലിനാണ് കുത്തേറ്റത്. നെഞ്ചില്‍ കുത്തേറ്റ വിദ്യാര്‍ഥിയെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം കാന്‍റീനില്‍ പാട്ടുപാടിയതുമായി ബന്ധപ്പെട്ട് ഉണ്ടായ തര്‍ക്കം പരിഹരിക്കാന്‍ ഇന്ന് ചര്‍ച്ചക്ക് വിളിച്ചിരുന്നു. ഇതിനിടെയാണ് സംഘര്‍ഷമുണ്ടായത്. സംഭവത്തില്‍ വിദ്യാര്‍ഥികള്‍ കോളജിന് മുന്നില്‍ പ്രതിഷേധിച്ചു. പുറത്തുനിന്നുള്ളവരാണ് കോളജില്‍ കയറി പ്രശ്നമുണ്ടാക്കിയതെന്നും സഹപാഠിയെ കുത്തിയതെന്നും ചില വിദ്യാര്‍ഥികള്‍ മാധ്യമങ്ങളോട് പ്രതികരിച്ചു. കഴിഞ്ഞ ദിവസം ഒരു വിദ്യാര്‍ഥിക്ക് മര്‍ദനമേറ്റിരുന്നെന്നും വിദ്യാര്‍ഥികള്‍ മാധ്യമങ്ങളോട് പറഞ്ഞു. അതേസമയം, ഏതെങ്കിലും എസ്.എഫ്.ഐ ...

Read More »

പാകിസ്താനില്‍ ട്രെയിനുകള്‍ കൂട്ടിയിടിച്ചു; മരിച്ചവരുടെ എണ്ണം 23 ആയി.

പാകിസ്താനില്‍ ട്രെയിനുകള്‍ കൂട്ടിയിടിച്ചുണ്ടായ അപകടത്തില്‍ മരിച്ചവരുടെ എണ്ണം 23 ആയി. ഒട്ടേറെ പേര്‍ക്ക് പരിക്കേറ്റു. അപകടത്തില്‍ പരിക്കേറ്റ ഏതാനും പേരുടെ നില ഗുരുതരമായി തുടരുകയാണെന്ന് ഔദ്യോഗിക വൃത്തങ്ങള്‍ അറിയിച്ചു. കൂട്ടിയിടിയുടെ ആഘാതത്തില്‍ തകര്‍ന്ന ട്രെയിനിന്‍റെ ബോഗികള്‍ വെട്ടിപ്പൊളിച്ചും ക്രെയിന്‍ ഉപയോഗിച്ച് ഉയര്‍ത്തിയുമാണ് രക്ഷാപ്രവര്‍ത്തനം നടത്തിയത്. ലാഹോര്‍ ഈസ്‌റ്റേണ്‍ സിറ്റിയില്‍നിന്നു വരികയായിരുന്ന പാസഞ്ചര്‍ ട്രെയിന്‍ ചരക്ക് തീവണ്ടിയുമായി കൂട്ടിയിടിക്കുകയായിരുന്നു. 73 പേര്‍ വിവിധ ആശുപത്രികളിലായ ചികിത്സയിലാണ്. അപകടത്തെക്കുറിച്ച് അന്വേഷണത്തിന് റെയില്‍വെ വകുപ്പ് ഉത്തരവിട്ടിട്ടുണ്ട്.

Read More »

ഇടക്കാല അദ്ധ്യക്ഷനായി ചുമതലയേല്‍ക്കണമെന്ന നേതാക്കളുടെ ആവശ്യം സോണിയ ഗാന്ധി തള്ളി..!!

രാഹുല്‍ ഗാന്ധി അദ്ധ്യക്ഷ സ്ഥാനം രാജിവെച്ചതിനു പിന്നാലെ കോണ്‍ഗ്രസിലുണ്ടായ പ്രതിസന്ധി രൂക്ഷമായി തുടരുന്നു. ഇടക്കാല അദ്ധ്യക്ഷനായി ചുമതലയേല്‍ക്കണമെന്ന നേതാക്കളുടെ ആവശ്യം സോണിയ ഗാന്ധി തള്ളി. ഇടക്കാലത്തേക്ക് ആണെങ്കില്‍പ്പോലും അദ്ധ്യക്ഷ സ്ഥാനത്തേക്ക് താനില്ലെന്ന് സോണിയ വ്യക്തമാക്കി. കര്‍ണ്ണാടകയില്‍ രാഷ്ട്രീയ പ്രതിസന്ധി രൂക്ഷമായതിനു പിന്നാലെ ഗോവയിലെ 10 വിമത കോണ്‍ഗ്രസ് എംഎല്‍എമാര്‍ ബിജെപിയില്‍ ചേര്‍ന്നിരുന്നു. ഈ സാഹചര്യത്തിലാണ് നേതൃത്വം ഏറ്റെടുക്കണമെന്ന് ആവശ്യപ്പെട്ട് നേതാക്കള്‍ സോണിയ ഗാന്ധിയെ സമീപിച്ചതെന്നാണ് ലഭിക്കുന്ന വിവരം. ഇരു സംസ്ഥാനങ്ങളിലും പാര്‍ട്ടി പ്രതിസന്ധിയിലായതിനാല്‍ നേതൃത്വത്തെ സംബന്ധിച്ച ചര്‍ച്ചകളും പാര്‍ട്ടിയില്‍ നടക്കുന്നിലെന്നാണ് ഇതോടെ വ്യക്തമാകുന്നത്. സോണിയ ...

Read More »

രണ്ടില്‍ കൂടുതല്‍ കുട്ടികളുള്ള ദമ്പതികളുടെ വോട്ടവകാശം നിഷേധിക്കണം; ഗിരിരാജ് സിംഗ്..!!

രണ്ടില്‍ കൂടുതല്‍ കുട്ടികളുള്ള ദമ്പതികളുടെ വോട്ടവകാശം നിഷേധിക്കപ്പെടണമെന്ന വിവാദ പരാമര്‍ശവുമായി കേന്ദ്രമന്ത്രി ഗിരിരാജ് സിംഗ്. സ്വാതന്ത്ര്യം ലഭിച്ചത് മുതലുള്ള ജനസംഖ്യാ വര്‍ധനവിലെ ആശങ്ക പങ്കുവയ്ക്കുന്നതിനിടെയാണ് മന്ത്രിയുടെ വിവാദ പരാമര്‍ശം.  ദില്ലിയില്‍ ഒരു മാധ്യമത്തിന് നല്‍കിയ അഭിമുഖത്തിനിടെ ജനസംഖ്യ കുറയ്ക്കുന്നതിന് സ്വീകരിക്കേണ്ട നിയമനടപടികളെ കുറിച്ച് സംസാരിക്കുകയായിരുന്നു മന്ത്രി. ലോക ജനസംഖ്യാ ദിനത്തില്‍, 1947 മുതല്‍ 2019 വരെ എങ്ങനെയാണ് ഇന്ത്യയിലെ ജനസംഖ്യ 366 ശതമാനമായി വളര്‍ന്നതെന്ന് ഗിരിരാജ് സിംഗ് ട്വിറ്ററില്‍ പങ്കുവച്ചിരുന്നു. അതേസമയം അമേരിക്കയിലെ ജനസംഖ്യാ വര്‍ധനവ് 113 ശതമാനമാണെന്നും മന്ത്രി ട്വിറ്ററില്‍ പങ്കുവച്ച ഗ്രാഫിക്സ് വ്യക്തമാക്കുന്നു.

Read More »

മഹേന്ദ്ര സിങ് ധോണിയ്‌ക്കെതിരെ പാക് മന്ത്രി ഫവാദ് ചൗധരി..!!

തന്‍റെ കരിയറിലെ അവസാന ലോകകപ്പില്‍ കിരീടം നേടാതെ മടങ്ങുന്ന മുന്‍ ഇന്ത്യന്‍ നായകന്‍ മഹേന്ദ്ര സിങ് ധോണിയ്‌ക്കെതിരെ പാകിസ്താന്‍ ശാസ്ത്ര സാങ്കേതിക വകുപ്പ് മന്ത്രി ഫവാദ് ചൗധരി. പാകിസ്താനികളുടെ പുതിയ പ്രണയം ന്യൂസിലാന്റിനോടാണെന്ന് ട്വീറ്റ് ചെയ്ത ഫവാദ് ചൗധരി ‘ധോണി നിങ്ങളൊരു നാണം കെട്ട പുറത്താകല്‍ അര്‍ഹിക്കുന്നു.’ വെന്ന ട്വീറ്റ് റീട്വീറ്റ് ചെയ്യുകയും ചെയ്തു. ധോണി ലെജന്‍ഡാണെന്നുള്ള ഷോയ്ബ് അക്തറിന്‍റെ പ്രസ്താവനയ്ക്ക് പിന്നാലെയാണ് പാക് മന്ത്രിയുടെ ധോണിയെ പരിഹസിച്ചുള്ള പ്രസ്താവന. ലോകകപ്പില്‍ ദക്ഷിണാഫ്രിക്കയ്ക്ക് എതിരായ മത്സരത്തില്‍ ധോണി പാരാറെജിമെന്റിന്‍റെ മുദ്ര പതിപ്പിച്ച ഗ്ലൗസ് ഉപയോഗിച്ചതിനെതിരെയും ...

Read More »

തോ​മ​സ് ചാ​ണ്ടി​യു​ടെ റി​സോ​ര്‍​ട്ടി​ന് പി​ഴ ചുമത്തിയ നടപടി സ​ര്‍​ക്കാ​ര്‍ ത​ള്ളി..!!

മുന്‍ മന്ത്രി തോമസ് ചാണ്ടിയുടെ ലേക് പാലസ് റിസോര്‍ട്ടിലെ അനധികൃത കെട്ടിടങ്ങള്‍ക്ക് പിഴ ചുമത്തിയ ആലപ്പുഴ നഗരസഭയുടെ തീരുമാനം സംസ്ഥാന സര്‍ക്കാര്‍ തള്ളി. ലേക് പാലസ് റിസോര്‍ട്ടിലെ അനധികൃത നിര്‍മാണവുമായി ബന്ധപ്പെട്ട് അടക്കേണ്ട നികുതിയില്‍ വന്‍ കുറവ് വരുത്തിയാണ് തോമസ് ചാണ്ടിക്ക് അനുകൂല നിലപാടുമായി സര്‍ക്കാര്‍ വീണ്ടും രംഗത്തെത്തിയത്. അ​ന​ധി​കൃ​ത നി​ര്‍​മാ​ണ​ങ്ങ​ള്‍ ക​ണ്ടെ​ത്തി​യ​തി​നെ​ത്തു​ട​ര്‍​ന്ന് ആ​ല​പ്പു​ഴ ന​ഗ​ര​സ​ഭ റി​സോ​ര്‍​ട്ടി​ന് 1.17 കോ​ടി രൂ​പ​ പിഴ ചുമത്തിയിരുന്നു . പിന്നീട് എം​എ​ല്‍​എ​യു​ടെ ക​മ്ബ​നി​യു​ടെ അ​പ്പീ​ലി​ല്‍ സ​ര്‍​ക്കാ​ര്‍ പി​ഴ​ത്തു​ക 34 ല​ക്ഷം ആ​യി കുറച്ചു. എ​ന്നാ​ല്‍ റിസോര്‍ട്ടിനുമേലുള്ള സ​ര്‍​ക്കാ​ര്‍ ...

Read More »

നെട്ടൂര്‍ കൊലപാതകം; പൊലീസിലുള്ള വിശ്വാസം നഷ്ടപ്പെട്ടെന്ന് അര്‍ജുന്‍റെ അമ്മ..!!

നെട്ടൂരില്‍ യുവാവിനെ കൊലപ്പെടുത്തി ചതുപ്പില്‍ താഴ്​ത്തിയ സംഭവത്തില്‍ പൊലീസിനെതിരെ കൊല്ലപ്പെട്ട അര്‍ജുന്‍റെ അമ്മ സിന്ധു. കൊലപാതകം ആസൂത്രണം ചെയ്ത് നടപ്പാക്കിയതാണ്. പൊലീസിലുള്ള വിശ്വാസം നഷ്ടപ്പെട്ടെന്ന് സിന്ധു മാധ്യമങ്ങളോട് പറഞ്ഞു. കേസിന്‍റെ അന്വേഷണം മറ്റ് ഏതെങ്കിലും ഏജന്‍സിയെ ഏല്‍പിക്കണമെന്നും സിന്ധു ആവശ്യപ്പെട്ടു. അതേസമയം കേസില്‍ പിടിയിലായ നാലു പ്രതികളെ എറണാകുളം ജ്യുഡിഷ്യല്‍ ഫസ്റ്റ് ക്ലാസ് മജിസട്രേറ്റ് കോടതി റിമാന്‍ഡ് ചെയ്തു.അര്‍ജുന്‍റെ സുഹൃത്തുക്കളായ റോണി, നിബിന്‍ , അനന്തു, അജയന്‍ എന്നിവരെയാണ് കോടതി റിമാന്‍ഡ് ചെയ്തത്. പതിനെട്ട് വയസ്സ് തികയാത്ത പ്രതികളില്‍ ഒരാളെ ജുവനൈല്‍ കോടതിയില്‍ ഹാജരാക്കി.

Read More »

ജയിലുകളിലെ മൊബൈല്‍ ഫോണ്‍ ഉപയോഗം; കേസുകള്‍ ക്രൈംബ്രാഞ്ചിന് വിട്ടു..!!

സംസ്ഥാനത്തെ ജയിലുകളിലെ മൊബൈല്‍ ഫോണ്‍ ഉപയോഗവുമായി ബന്ധപ്പെട്ട കേസുകള്‍ ക്രൈംബ്രാഞ്ചിന് വിട്ടു. 21 കേസുകളാണ് ക്രൈംബ്രാഞ്ചിന് വിട്ടത് . ക്രൈംബ്രാഞ്ച് ഐ.ജി എസ് ശ്രീജിത്തിനാണ് അന്വേഷണ ചുമതല. തൃശൂർ വിയ്യൂരിലും കണ്ണൂർ സെൻട്രൽ ജയിലിലും നടത്തിയ മിന്നല്‍ പരിശോധനയില്‍ സ്മാര്‍ട്ട് ഫോണുകള്‍ ഉള്‍പ്പെടെ പിടികൂടിയിരുന്നു. ടി.പി ചന്ദ്രശേഖരൻ വധക്കേസിൽ ശിക്ഷിക്കപ്പെട്ട പ്രതികളില്‍ നിന്ന് ഉള്‍പ്പെടെയാണ് ഫോണുകള്‍ പിടികൂടിയത്.

Read More »

കേരളത്തോട് കടുത്ത അവഗണന; കേന്ദ്രത്തിനെതിരെ മുഖ്യമന്ത്രി..!!

പ്രളയ ദുരിതാശ്വാസമായി കേരളത്തിന് കേന്ദ്രം ഈ ബജറ്റില്‍ ഒന്നും നല്‍കിയില്ലെന്ന് മുഖ്യമന്ത്രി പിണറായി വിജയന്‍. എയിംസിനായി കാലങ്ങളായി ആവശ്യപ്പെടുന്നു. അതും അനുവദിച്ചില്ല. സംസ്ഥാനത്തിന് ന്യായമായി ലഭിക്കേണ്ട കേന്ദ്രസഹായം ലഭിക്കുന്നില്ല. കേരളത്തിന് അര്‍ഹതപ്പെട്ടത് നല്‍കുക തന്നെ വേണമെന്നും മുഖ്യമന്ത്രി ആവശ്യപ്പെട്ടു.പി.എസ്.സി എംപ്ലോയീസ് യൂണിയന്‍ കോണ്‍ഫ്രന്‍സിലാണ് മുഖ്യമന്ത്രിയുടെ പ്രതികരണം. രാജ്യത്ത് മതനിരപേക്ഷതയും ജനാധിപത്യവും വലിയ ഭീഷണി നേരിടുന്നു. പശുവിന്‍റെയും കഴിക്കുന്ന ഭക്ഷണത്തിന്‍റെയും പേരില്‍ ആളുകള്‍ ആക്രമിക്കപ്പെടുന്നു. ബി.ജെ.പി അധികാരത്തിലിരിക്കുമ്പോള്‍ സംഘപരിവാര്‍ അഴിഞ്ഞാടുകയാണ്. കോണ്‍ഗ്രസ് അധികാരത്തിലുള്ള മധ്യപ്രദേശിലും രാജസ്ഥാനിലും സ്ഥിതി മറിച്ചല്ലെന്നും മുഖ്യമന്ത്രി വിമര്‍ശിച്ചു.

Read More »