Monthly Archives: July 2019

ഹൈക്കോടതി ജഡ്ജിക്കെതിരെ കേസെടുക്കാന്‍ സിബിഐക്ക് സുപ്രീം കോടതിയുടെ അനുമതി..!!

അലഹബാദ് ഹൈക്കോടതി ജഡ്ജിക്കെതിരെ കേസെടുക്കാന്‍ സിബിഐക്ക് സുപ്രീം കോടതി അനുമതി നല്‍കി. മെഡിക്കല്‍ കോഴക്കേസില്‍ ആരോപണ വിധേയനായ ജസ്റ്റിസ് എസ്.എന്‍ ശുക്ലയ്‌ക്കെതിരെയാണ് എഫ്‌ഐആര്‍ രജിസ്റ്റര്‍ ചെയ്യാന്‍ സിബിഐക്ക് ചീഫ് ജസ്റ്റിസ് രഞ്ജന്‍ ഗൊഗോയ് അനുമതി നല്‍കിയത്. സിറ്റിംഗ് ജഡ്ജിമാര്‍ക്കെതിരെ കേസ് രജിസ്റ്റര്‍ ചെയ്യണമെങ്കില്‍ സുപ്രീം കോടതി ചീഫ് ജസ്റ്റിസിന്റെ അനുമതി ആവശ്യമാണ്. അതിനാല്‍ സിറ്റിംഗ് ജഡ്ജിയായ എസ്.എന്‍.ശുക്ലക്കെതിരെ കേസ് എടുക്കണമെന്ന് ആവശ്യപ്പെട്ട് സിബിഐ സുപ്രീം കോടതിക്ക് കത്തയച്ചിരുന്നു. 2017ലാണ് എംബിബിഎസ് പ്രവേശനവുമായി ബന്ധപ്പെട്ട് ശുക്ലയ്‌ക്കെതിരെ ആരോപണമുണ്ടായത്.

Read More »

ചാവക്കാട് കോണ്‍ഗ്രസ് പ്രവര്‍ത്തകന്‍റെ കൊലപാതകം; പിന്നില്‍ എസ്ഡിപിഐ തന്നെയെന്ന് ഉമ്മന്‍ ചാണ്ടി..!!

ചാവക്കാട് കോണ്‍ഗ്രസ് പ്രവര്‍ത്തകന്‍റെ കൊലപാതകത്തിന് പിന്നിൽ എസ്ഡിപിഐ ആണെന്ന് കോണ്‍ഗ്രസ് നേതാവ് ഉമ്മൻ ചാണ്ടി ആരോപിച്ചു.  സമാധാന അന്തരീക്ഷം തകർക്കാനാണ് എസ്ഡിപിഐ ശ്രമിക്കുന്നത്. ടി എൻ പ്രതാപൻ എസ്ഡിപിഐ യുടെ പേര് പറയാത്തത് അദ്ദേഹത്തിന് കൂടുതൽ വിവരങ്ങൾ അറിയാത്തത് കൊണ്ടാവുമെന്നും ഉമ്മന്‍ ചാണ്ടി അഭിപ്രായപ്പെട്ടു. കോൺഗ്രസ് അധ്യക്ഷപദം സംബന്ധിച്ച് അനിശ്ചിതാവസ്ഥയില്ല. പാര്‍ട്ടിയിലെ മുതിർന്ന നേതാക്കൾ ചേർന്ന് തീരുമാനമെടുക്കും. അധ്യക്ഷന്‍ ആരാണെന്നത് സംബന്ധിച്ച തീരുമാനം ഉടനുണ്ടാകുമെന്നും ഉമ്മന്‍ ചാണ്ടി പറഞ്ഞു.

Read More »

ബോംബ് പൊട്ടി അഫ്ഗാനിസ്ഥാനില്‍ ബസില്‍ സഞ്ചരിച്ച 28 പേര്‍ കൊല്ലപ്പെട്ടു..!!

താലിബാന്‍ സ്ഥാപിച്ച ബോംബ് പൊട്ടി അഫ്ഗാനിസ്ഥാനില്‍ ബസില്‍ സഞ്ചരിച്ച 28 പേര്‍ കൊല്ലപ്പെട്ടു. കൂടുതലും സ്ത്രീകളും കുട്ടികളുമാണ് കൊല്ലപ്പെട്ടത്. കാണ്ഡഹാര്‍-ഹെറത് ഹൈവേയില്‍ വെച്ചാണ് ബസ് പൊട്ടിത്തെറിച്ചത്. താലിബാന്‍ ആക്രമണത്തിന്‍റെ ഉത്തരവാദിത്വം ഏറ്റെടുത്തിട്ടില്ല. കാണ്ഡഹാര്‍ പ്രവിശ്യയില്‍ കഴിഞ്ഞ ദിവസം തിരക്കേറിയ ഒരു മാര്‍ക്കറ്റിലുണ്ടായ സ്‌ഫോടനത്തില്‍ മൂന്ന് കുട്ടികള്‍ കൊല്ലപ്പെടുകയും 23 പേര്‍ക്ക് പരിക്കേല്‍ക്കുകയും ചെയ്തിരുന്നു. ഷാ വാലി കോട്ടില്‍ അഫ്ഗാന്‍ സൈനികന്‍റെ വെടിയേറ്റ് രണ്ട് യു.എസ് സൈനികരും കഴിഞ്ഞ ദിവസം കൊല്ലപ്പെട്ടിരുന്നു.

Read More »

ഒരാഴ്ച്ചക്കകം ഇടക്കാലഅധ്യക്ഷനെ നിയമിക്കുമെന്ന് കോണ്‍ഗ്രസ്..!!

കോണ്‍ഗ്രസ് ഒരാഴ്ച്ചക്കകം ഇടക്കാലപ്രസിഡണ്ടിനെ നിയമിച്ചേക്കും. പാര്‍ട്ടി നേതാക്കള്‍ ചൊവ്വാഴ്ച്ച പാര്‍ലമെന്റില്‍ നടത്തിയ അനൗപചാരിക ചര്‍ച്ചയിലാണ് തീരുമാനം. അതേസമയം, സഹോദരിയും എ.ഐ.സി.സി ജനറല്‍ സെക്രട്ടറിയുമായ പ്രിയങ്ക ഗാന്ധിയടക്കം ഗാന്ധി കുടുംബത്തില്‍ നിന്നും ഒരാള്‍ പദവി ഏറ്റെടുക്കട്ടെ എന്ന നിര്‍ദേശം രാഹുല്‍ തള്ളി. അധ്യക്ഷനെ തെരഞ്ഞെടുക്കുന്നത് വേഗത്തിലാക്കണമെന്ന് രാഹുല്‍ ഗാന്ധി നിര്‍ദേശിച്ചു . ‘ഒരു ഇടക്കാല അധ്യക്ഷനെ പാര്‍ട്ടി തെരഞ്ഞെടുക്കുകയും ഈ ആഴ്ച്ചയില്‍ തന്നെ അവര്‍ക്ക് ചുമതലയേല്‍ക്കുകയും ചെയ്യാം. കോണ്‍ഗ്രസ് വര്‍ക്കിംഗ് കമ്മിറ്റി തെരഞ്ഞെടുപ്പിലൂടെ അധ്യക്ഷനെ തെരഞ്ഞെടുക്കുന്നതിന് മുന്നോടിയായുള്ള ആദ്യപടിയാണിത്.’ മുതിര്‍ന്ന പാര്‍ട്ടി നേതാവ് വ്യക്തമാക്കി.

Read More »

ഇന്ന് കര്‍ക്കടക വാവ്; പിതൃമോക്ഷത്തിനായി ഭക്തജന ലക്ഷങ്ങള്‍ പിതൃക്കള്‍ക്ക് ബലിതര്‍പ്പണം നടത്തി..!!

ഇന്ന് കര്‍ക്കടകവാവ്. പിതൃമോക്ഷത്തിനായി പതിനായിരകണക്കിന് വിവിധ കേന്ദ്രങ്ങളില്‍ ബലിതര്‍പ്പണം നടത്തും. ബുധനാഴ്ച പുലര്‍ച്ചയോടെ വാവുബലി ചടങ്ങുകള്‍ ആരംഭിച്ചു. പല ക്ഷേത്രങ്ങളിലും പുലര്‍ച്ചെ മുതല്‍ വന്‍ തിരക്കാണ് അനുഭവപ്പെട്ടത്. ആലുവ മണപ്പുറത്തും പുലര്‍ച്ചെയോടെ തന്നെ ബലിതര്‍പ്പണ ചടങ്ങുകള്‍ തുടങ്ങി. മലപ്പുറം തിരുന്നാവായ നാവാമുകുന്ദ ക്ഷേത്രത്തില്‍ പുലര്‍ച്ചെ രണ്ടുമണിയോടെയാണ് ബലിതര്‍പ്പണ ചടങ്ങുകള്‍ ആരംഭിച്ചത്. തിരുവനന്തപുരത്ത് ശംഖുമുഖം കടപ്പുറം, തിരുവല്ലം പരശുരാമസ്വാമിക്ഷേത്രം, വര്‍ക്കല പാപനാശം കടപ്പുറം, അരുവിപ്പുറം ശിവക്ഷേത്രം, അരുവിക്കര എന്നിവിടങ്ങളിലാണ് പ്രധാനമായും ബലിതര്‍പ്പണ ചടങ്ങുകള്‍ നടക്കുന്നത്. പുലര്‍ച്ചെ 2.30ഓടെ തന്നെ ഇവിടങ്ങളില്‍ ബലിതര്‍പ്പണച്ചടങ്ങുകള്‍ തുടങ്ങി. ഒരേസമയം 1500ലേറെ ...

Read More »

ഉന്നാവോ സംഭവം; ബി.ജെ.പി എം.എല്‍.എക്കെതിരെ സി.ബി.ഐ കേസെടുത്തു..!!

ഉന്നാവില്‍ ബലാത്സംഗത്തിനിരയായ പെണ്‍കുട്ടി വാഹനാപകടത്തില്‍ പെട്ട സംഭവത്തില്‍ സി.ബി.ഐ അന്വേഷണം തുടങ്ങി. ഇന്ന് രാവിലെയാണ് അന്വേഷണം സി.ബി.ഐക്ക് കൈമാറി കേന്ദ്ര പേഴ്‌സണല്‍ മന്ത്രാലയം ഉത്തരവ് പുറത്തിറക്കിയത്. സംഭവത്തില്‍ ബി.ജെ.പി എം.എല്‍.എ കുല്‍ദീപ് സിംഗ് സെഗാര്‍ അടക്കം ഒമ്പത് പേര്‍ക്കെതിരെ സി.ബി.ഐ കേസെടുത്തു. പ്രതിയായ കുല്‍ദീപ് സിംഗിനെ പാര്‍ട്ടിയില്‍ നിന്ന് ബി.ജെ.പി സസ്പന്‍ഡ് ചെയ്തിട്ടുമുണ്ട്. ക്രിമിനല്‍ഗൂഢാലോചന, കൊലപാതകം, കൊലപാതകശ്രമം തുടങ്ങിയ കുറ്റങ്ങള്‍ ചുമത്തി തിരിച്ചറിയാത്ത 20 പേര്‍ക്കെതിരെയും സി.ബി.ഐ കേസെടുത്തിട്ടുണ്ട്. ജീവന് ഭീഷണിയുണ്ടെന്ന പെണ്‍കുട്ടിയുടെ ബന്ധുക്കള്‍ നല്‍കിയ 33 പരാതികള്‍ യു.പി പൊലീസ് അവഗണിച്ചു. അപകടത്തിന് ...

Read More »

മെഡിക്കല്‍ കമ്മിഷന്‍ ബില്ലിനെതിരെ ഡോക്ടര്‍മാരുടെ രാജ്യവ്യാപക പണിമുടക്ക് തുടങ്ങി..!!

മെഡിക്കല്‍ കമ്മിഷന്‍ ബില്ലിനെതിരെ ഡോക്ടര്‍മാരുടെ രാജ്യവ്യാപക പണിമുടക്ക് തുടങ്ങി. ഇന്ത്യന്‍ മെഡിക്കല്‍ അസോസിയേഷന്‍റെ നേതൃത്വത്തിലുള്ള പണിമുടക്ക് വ്യാഴാഴ്ച രാവിലെ ആറ് വരെ തുടരും. അലോപ്പതി ഇതര ഡോക്ടര്‍മാര്‍ക്ക് ആധുനിക ചികില്‍സ നടത്താന്‍ അനുവദിക്കുന്ന വ്യവസ്ഥയ്ക്കും എംബിബിഎസ് അവസാനവര്‍ഷ പരീക്ഷ പിജി പ്രവേശനപരീക്ഷയായി കണക്കാക്കണം എന്നുമുള്ള നിര്‍ദേശത്തിനും എതിരായാണ് സമരം. സര്‍ക്കാര്‍, സ്വകാര്യ മേഖലകളിലെ ഡോക്ടര്‍മാര്‍ പങ്കെടുക്കുന്നുണ്ട്. അത്യാഹിതം, തീവ്രപരിചരണം, പ്രസവം തുടങ്ങിയ വിഭാഗങ്ങളെ സമരത്തില്‍നിന്ന് ഒഴിവാക്കി.

Read More »

കഫേ കോഫി ഡേ സ്ഥാപകന്‍ സിദ്ധാര്‍ത്ഥയുടെ മൃതദേഹം കണ്ടെത്തി..!!

കഫേ കോഫി ഡേ സ്ഥാപകനും കര്‍ണാടക മുന്‍ മുഖ്യമന്ത്രി എസ്.എം കൃഷ്ണയുടെ മരുമകനുമായ  വി ജി  സിദ്ധാര്‍ത്ഥയുടെ മൃതദേഹം കണ്ടെത്തി. നേത്രാവതി പുഴയുടെ തീരത്ത് ഹൊയ്‌കെ ബസാറില്‍ നിന്നും മല്‍സ്യതൊഴിലാളികളാണ് മൃതദേഹം കണ്ടെത്തിയത്. രണ്ട് ദിവസം മുമ്പ് ബംഗളുരുവില്‍ നിന്നും കാറില്‍ മംഗലുരുവിലേക്ക് പുറപ്പെട്ട സിദ്ധാര്‍ത്ഥ നേത്രാവതി നദിയ്ക്കു കുറുകയുള്ള പാലത്തിനു സമീപം കാറില്‍ നിന്നും ഇറങ്ങി പോയി. തുടര്‍ന്ന് അദ്ദേഹത്തെ കാണാതാവുകയായിരുന്നുവെന്നാണ് ഡ്രൈവറിന്‍റെ മൊഴി. മംഗളൂരുവിന് സമീപം നേത്രാവതി നദിയിലേക്ക് സിദ്ധാര്‍ത്ഥ ചാടിയതാവാമെന്നായിരുന്നു പൊലീസ് നിഗമനം. ഇതിനെ തുടര്‍ന്ന് നദിയുടെ വിവിധ ഭാഗങ്ങളില്‍ ...

Read More »

തൃശ്ശൂരില്‍ വെട്ടേറ്റ കോണ്‍ഗ്രസ് പ്രവര്‍ത്തകന്‍ മരിച്ചു..!!

ചാവക്കാട് പുന്നയില്‍ വെട്ടേറ്റ നാല് കോൺഗ്രസ് പ്രവര്‍ത്തകരില്‍ ഒരാള്‍ മരിച്ചു. പുന്ന സ്വദേശി നൗഷാദാണ് മരിച്ചത്. വെട്ടേറ്റ മറ്റ് മൂന്ന് പേരും ചികിത്സയിലാണ്. ബിജേഷ്, നിഷാദ് സുരേഷ് എന്നിവര്‍ അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു. എസ്ഡിപിഐ പ്രവര്‍ത്തകരാണ് അക്രമത്തിന് പിന്നിലെന്ന് കോണ്‍ഗ്രസ് ആരോപിച്ചു. ഇന്നലെ രാത്രി ഒമ്പത് ബൈക്കുകളിലായെത്തിയ അക്രമി സംഘം വടിവാളുകൊണ്ട് ഇവരെ വെട്ടുകയായിരുന്നു എന്നാണ് വിവരം. 14 പേരാണ് സംഘത്തിലുണ്ടായിരുന്നതെന്ന് ദൃക്സാക്ഷികള്‍ പറയുന്നു. സംഭവത്തെ കുറിച്ച് അന്വേഷിച്ച് വരികയാണെന്ന് ചാവക്കാട് പൊലീസ് അറിയിച്ചു. സംഭവത്തിന് പിന്നില്‍ ഗൂഢാലോചനയുണ്ടെന്നും ഗുരുവായൂര്‍ ...

Read More »

ഉന്നാവോ സംഭവം; അന്വേഷണം സി.ബി.ഐക്ക് കൈമാറി..!!

ഉന്നാവോ ലൈംഗികാതിക്രമക്കേസിലെ പെണ്‍കുട്ടിയും കുടുംബവും സഞ്ചരിച്ച കാര്‍ അപകടത്തില്‍പെട്ട സംഭവത്തിന്‍റെ അന്വേഷണം സി.ബി.ഐക്ക് കൈമാറി. സംഭവത്തില്‍ സി.ബി.ഐ അന്വേഷണം ആവശ്യപ്പെട്ട് യു.പി സര്‍ക്കാര്‍ കേന്ദ്ര സര്‍ക്കാരിന് കത്ത് നല്‍കിയിരുന്നു. തുടര്‍ന്നാണ് കേന്ദ്രം കേസ് സി.ബി.ഐക്ക് കൈമാറിയത്. കേസില്‍ സമാജ് വാദി പാര്‍ട്ടിയും കോണ്‍ഗ്രസും നേരത്തെ സി.ബി.ഐ അന്വേഷണം ആവശ്യപ്പെട്ടിരുന്നു. കേസിലെ പ്രതി കുല്‍ദീപ് സിംഗ് സെംഗാളിനെ ബി.ജെ.പി ഇന്നലെ സസ്പെന്റ് ചെയ്തിരുന്നു. യു.പി ബി.ജെ.പി അധ്യക്ഷന്‍ സ്വതന്ത്രദേവ് സിംഗാണ് സസ്‌പെഷന്‍ നടപടി സ്വീകരിച്ചത്. എം.എല്‍.എക്കെതിരെ ആരോപണവുമായി പെണ്‍കുട്ടിയുടെ ബന്ധു രംഗത്തെത്തിയിരുന്നു. എം.എല്‍.എ കുല്‍ ദീപ് ...

Read More »