കനകദുര്‍ഗയുടെ അപേക്ഷ പരിഗണിക്കുന്നത് മാറ്റി..!!

കുട്ടികളെ ഒപ്പം വിടണമെന്നും വീട്ടില്‍ പ്രവേശിപ്പിക്കണമെന്നുമുള്ള കനക ദുര്‍ഗയുടെ അപേക്ഷ പരിഗണിക്കുന്നത് മാറ്റി വെച്ചു. ഈ മാസം 28ലേക്കാണ് മാറ്റിയത്. തിരൂര്‍ ഒന്നാം ക്ലാസ് ജ്യുഡീഷല്‍ മജിസ്‌ട്രേറ്റ് കോടതിയാണ് കേസ് പരിഗണിച്ചത്. നേരത്തെ കോഴിക്കോട് മെഡിക്കല്‍ കോളേജില്‍നിന്ന് ഡിസ്ചാര്‍ജായി പെരിന്തല്‍മണ്ണയിലെത്തിയ കനകദുര്‍ഗയെ സര്‍ക്കാര്‍ ആശ്രയ കേന്ദ്രത്തിലേക്ക് മാറ്റിയിരുന്നു.

ഭര്‍ത്താവിനെയും സഹോദരനെയും വിളിച്ചുവരുത്തി പൊലീസ് ഒത്തുതീര്‍പ്പിന് ശ്രമിച്ചെങ്കിലും ഫലം കാണാത്തതിനെ തുടര്‍ന്നാണ് കനകദുര്‍ഗയെ ആശ്രയ കേന്ദ്രത്തിലേക്ക് മാറ്റിയത്. ആശ്രയ കേന്ദ്രത്തില്‍ പൊലീസ് സുരക്ഷയും ഏര്‍പ്പെടുത്തിയിരുന്നു. കനകദുര്‍ഗയെ വീട്ടില്‍ കയറ്റില്ലെന്ന് ഭര്‍ത്താവും സഹോദരനും നിലപാട് എടുത്തതോടെയാണിത്.

Related Contents

Comments

comments

Leave a Reply

Your email address will not be published. Required fields are marked *

*