യുവനടിയെ കടന്നുപിടിക്കാന്‍ ശ്രമം; പ്രതി മാപ്പ് പറഞ്ഞ് ജാമ്യത്തിലിറങ്ങി..!

കോഴിക്കോട് മുക്കത്ത് ജ്വല്ലറിയുടെ ഉദ്ഘാടനത്തിനിടെ യുവനടിയെ അപമാനിക്കാന്‍ ശ്രമിച്ച സംഭവത്തില്‍ പ്രതി പിടിയില്‍. ഗോതമ്പ് റോഡ് ചേലാംകുന്ന് കോളനിയില്‍ താമസിക്കുന്ന മനു അര്‍ജുനാണ് (21) പിടിയിലായത്. സംഭവസമയത്ത് പ്രതി മദ്യലഹരിയിലായിരുന്നുവെന്ന് പോലീസ് പറഞ്ഞു.

ചൊവ്വാഴ്ച ഉച്ചയോടെയാണ് മുക്കം എസ്.ഐ. കെ.പി.അഭിലാഷിന്റെ നേതൃത്വത്തില്‍ മനു അര്‍ജുനെ വീട്ടില്‍ നിന്ന് പിടികൂടിയത്. നടി മുക്കം പോലീസില്‍ നല്‍കിയ പരാതിയുടെ അടിസ്ഥാനത്തിലായിരുന്നു അറസ്റ്റ്. സംഭവത്തെ തുടര്‍ന്ന് പ്രതി ഫോണില്‍ യുവനടിയോട് മാപ്പ് പറഞ്ഞതായും പോലീസ് പറഞ്ഞു. കേരള പോലീസ് ആക്ട് പ്രകാരം കേസെടുത്ത മനുവിനെ വൈകുന്നേരത്തോടെ ജാമ്യം നല്‍കി വിട്ടയച്ചു.

തിങ്കളാഴ്ച മുക്കത്ത് പുതുതായി ആരംഭിച്ച സ്ഥാപനത്തിന്റെ ഉദ്ഘാടനത്തിനെത്തിയപ്പോഴാണ് മലയാളത്തിലെ പ്രമുഖ യുവനടിയെ അപമാനിക്കാന്‍ ശ്രമിച്ചത്. വൈകുന്നേരം നാല് മണിയോടെയാണ് സംഭവം നടന്നത്.

Related Contents

Comments

comments

Leave a Reply

Your email address will not be published. Required fields are marked *

*