സായി പല്ലവിക്ക് ദേഷ്യം അടക്കാനായില്ല നടന്‍ സെറ്റില്‍ നിന്നും ഇറങ്ങിപ്പോയി…!

മലയാള സിനിമയില്‍ ഫാന്‍സ്‌ പവര്‍ കൂടുതല്‍ ഉള്ള ഒരു നായികയാണ് സായി പല്ലവി. പ്രേമം എന്ന നിവിന്‍ പോളി ചിത്രത്തിലൂടെ മലര്‍ മിസായി വന്ന് തെന്നിന്ത്യന്‍ സിനിമാ പ്രേമികളുടെ മുഴുവന്‍ മനം കവര്‍ന്ന നടിയാണ് സായി പല്ലവി. പ്രേമത്തിനും കലിക്കും ശേഷം സായി പല്ലവി അഭിനയിച്ചത് തെലുങ്ക് ചിത്രം ഫിദയിലായിരുന്നു. മലര്‍ മിസ്സിനെപ്പോലെ ചിത്രത്തിലെ ഭാനുമതിയെന്ന കഥാപാത്രവും ഹിറ്റായിരുന്നു.

ഫിദയ്ക്ക് ശേഷം സായി പല്ലവി അഭിനയിക്കുന്നത് നാനി നായകനാകുന്ന ചിത്രത്തിലാണ്. ചിത്രത്തിന്റെ ഷൂട്ടിങ് പുരോഗമിക്കുകയാണ്. എന്നാല്‍, ഇപ്പോള്‍ പുറത്തുവരുന്നത് സായി പല്ലവിയുടെ ദേഷ്യത്തെ കുറിച്ചുള്ള റിപ്പോര്‍ട്ടുകളാണ്. സിനിമയുടെ സെറ്റില്‍ വെച്ച്‌ സായി പല്ലവിയും നാനിയും തമ്മില്‍ വഴക്കുണ്ടായ കാര്യം പുറത്ത് വന്നിരിക്കുകയാണ്.

മിഡില്‍ ക്ലാസ് അബ്ബായ് എന്ന തന്‍റെ  രണ്ടാമത്തെ തെലുങ്ക് ചിത്രത്തിന്റെ ഷൂട്ടിങ്ങിനിടെയാണ് സായി പല്ലവിയുടെ ദേഷ്യം . സായി പല്ലവി നാനിയോട് ദേഷ്യപ്പെട്ടതോടെ താരം ഷൂട്ടിങ് നിര്‍ത്തിവെച്ച്‌ സെറ്റില്‍ നിന്നും ഇറങ്ങിപ്പോവുകയായിരുന്നു.ചിത്രീകരണം പാതി വഴിയില്‍ നിര്‍ത്തേണ്ടി വന്ന സാഹചര്യത്തില്‍ സായി പല്ലവി നടനോട് മാപ്പ് പറയേണ്ടി വരികയായിരുന്നു. സായി മാപ്പ് പറഞ്ഞതോടെ നാനി തിരികെ വരികയും ശേഷം ചിത്രീകരണം ആരംഭിക്കുകയും ചെയ്യുകയായിരുന്നുവെന്ന് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നു.

Related Contents

Comments

comments

Leave a Reply

Your email address will not be published. Required fields are marked *

*