Breaking News

ദിലീപിനൊപ്പം നാദിര്‍ഷയും കുടുങ്ങുന്നു ? നടിയുടെ ദൃശ്യങ്ങള്‍ അടങ്ങിയ ഫോണ്‍ നാദിര്‍ഷയുടെ കൈവശമുണ്ടെന്ന്….

നടിയെ തട്ടിക്കൊണ്ടുപോയി ആക്രമിക്കുന്ന ദൃശ്യങ്ങള്‍ പകര്‍ത്തിയ മൊബൈല്‍ ദിലീപിന്റെ ഉറ്റസുഹൃത്തും സംവിധായകനുമായ നാദിര്‍ഷയുടെ കൈവശമുണ്ടെന്ന് സൂചന. ഇതിന്റെ അടിസ്ഥാനത്തിലാണ് നാദിര്‍ഷയെ വീണ്ടും ചോദ്യം ചെയ്യാന്‍ അന്വേഷണസംഘം തയ്യാറെടുക്കുന്നതെന്നാണ് റിപ്പോര്‍ട്ട്.

ഭർത്താവിനൊരു പ്രണയമുണ്ടെന്നറിഞ്ഞാൽ നിങ്ങൾ എന്തു ചെയ്യും? വൈറലായി വീട്ടമ്മയുടെ കുറിപ്പ്..

കേസില്‍ ഗൂഢാലോചന നടത്തിയെന്ന കുറ്റത്തിന് നടന്‍ ദിലീപ് അറസ്റ്റിലായ ശേഷം തൊട്ട് നാദിര്‍ഷയും പൊലീസിന്റെ നിരീക്ഷണത്തിലായിരുന്നു. സംശയം തോന്നുന്നവരെയെല്ലാം ചോദ്യം ചെയ്ത് വിട്ടയയ്ക്കുന്ന വേളയില്‍ അവശേഷിക്കുന്ന എല്ലാ തെളിവുകളും നശിപ്പിക്കാന്‍ അവര്‍ ശ്രമിക്കുമെന്ന പൊലീസ് ബുദ്ധിയാണ് അന്വേഷണം നാദിര്‍ഷയിലേക്ക് എത്തിച്ചത്.

ആദ്യതവണ ചോദ്യം ചെയ്തതിനു ശേഷം നാദിര്‍ഷ പുനലൂരിലെ ഒരു എസ്റ്റേറ്റിലായിരുന്നു ഒരു മാസത്തോളം ഒളിവില്‍ താമസിച്ചിരുന്നതെന്ന് അന്വേഷണസംഘത്തിന് വിവരം ലഭിച്ചു. നടിയെ ആക്രമിക്കുന്ന ദൃശ്യങ്ങള്‍ അടങ്ങിയ ഫോണ്‍ ഉള്‍പ്പെടെയുള്ള തെളിവുകള്‍ നശിപ്പിക്കുന്നതിനു വേണ്ടിയായിരുന്നു നാദിര്‍ഷ ഇവിടെ താമസിച്ചിരുന്നതെന്നാണ് അന്വേഷണസംഘം പറയുന്നത്.

ആദ്യത്തെ ചോദ്യംചെയ്യലിന് ശേഷം പൊതുവേദികളിലൊന്നും നാദിര്‍ഷ പ്രത്യക്ഷപ്പെട്ടിരുന്നില്ല. ജയിലില്‍ ദിലീപിനെ സന്ദര്‍ശിച്ചതിനു ശേഷമുള്ള നാദിര്‍ഷയുടെ നീക്കങ്ങള്‍ സംബന്ധിച്ചും അന്വേഷണ സംഘം വിവരങ്ങള്‍ ശേഖരിക്കുന്നുണ്ട്. നാദിര്‍ഷയുടെ പങ്ക് സംബന്ധിച്ച്‌ സൂചനകള്‍ ലഭിച്ചതിനെ തുടര്‍ന്നാണ് കര്‍ശന നടപടികളുമായി മുന്നോട്ടു പോകാന്‍ സംഘം തീരുമാനിച്ചിരിക്കുന്നത്.

Related Contents

Comments

comments

Leave a Reply

Your email address will not be published. Required fields are marked *

*