ധോണിയുടെ ആ നിര്‍ദ്ദേശങ്ങള്‍ കളിയില്‍ വിജയമൊരുക്കി…!

ധോണിയുടെ  ആ  നിര്‍ദ്ദേശങ്ങള്‍  കളിയുടെ വിജയമായിരുന്നു.  ക്യാപ്റ്റന്‍ സ്ഥാനത്തില്ലെങ്കിലും എംഎസ് ധോണി തന്നെയാണ് ഇപ്പോഴും ഇന്ത്യയുടെ ഫീല്‍ഡിങ്ങും ബൗളിങ്ങും നിയന്ത്രിക്കുന്നതെന്ന വാര്‍ത്തയുണ്ടായിരുന്നു. ഗ്രൗണ്ടില്‍ ധോണി കോലിക്ക് നിര്‍ദ്ദേശം കൊടുക്കുന്നത് പ്രേക്ഷകര്‍ നേരിട്ട് കാണുകയും അത് വാര്‍ത്തയാകുകയും ചെയ്തിരുന്നു. ഇപ്പോഴിതാ ബൗളര്‍മാര്‍ക്ക് ധോണി നിര്‍ദ്ദേശം കൊടുക്കുന്നതിന്റെ ഓഡിയോയും പുറത്തുവന്നു.

ഓസ്ട്രേലിയയ്ക്കെതിരെ നടന്നുകൊണ്ടിരിക്കുന്ന പരമ്ബരയിലെ ആദ്യ മത്സരത്തില്‍ യുവ സ്പിന്നര്‍മാരുടെ മിന്നുന്ന പ്രകടനമാണ് ഇന്ത്യയ്ക്ക് ജയമൊരുക്കാന്‍ കാരണമായത്. സ്പിന്നര്‍മാരോട് ഏതൊക്കെ രീതിയില്‍ പന്തെറിയണമെന്ന് നിര്‍ദ്ദേശിച്ചത് ധോണിയും.

ബൗളിങ് മികവുണ്ടെങ്കിലും അനുഭവ സമ്ബത്ത് കുറഞ്ഞ കുല്‍ദീപ് യാദവും യുവേന്ദ്ര ചാഹലും ധോണിയുടെ നിര്‍ദ്ദേശം നടപ്പാക്കി 5 വിക്കറ്റുകള്‍ എടുത്തു. പന്ത് മാറ്റിയെറിയണമെന്നും ഓഫ് സ്റ്റമ്ബിന് പുറത്തുകൂടി എറിയണമെന്നും ധോണി ആവര്‍ത്തിച്ച്‌ പറയുന്നത് പുറത്തുവന്ന ഓഡിയോയില്‍ കേള്‍ക്കാം. ധോണി പിന്നീട് കുല്‍ദീപിന്റെ അടുത്തുവന്ന് നിര്‍ദ്ദേശം ആവര്‍ത്തിക്കുകയും ചെയ്തിട്ടുണ്ട്.ധോണിയുടെ നിര്‍ദ്ദേശം അനുസരിച്ച്‌  ബൗളര്‍   സ്റ്റമ്ബിന് പുറത്ത് പന്തെറിഞ്ഞ യുവേന്ദ്ര ചാഹല്‍ മാക്സ് വെലിനെ പുറത്താക്കുകയും ചെയ്തു. ധോണിയുടെ നിര്‍ദ്ദേശങ്ങള്‍ ഏറെ ഗുണം ചെയ്തതായി കളിക്കുശേഷം സ്പിന്നര്‍മാര്‍ വെളിപ്പെടുത്തുകയുമുണ്ടായി.

Related Contents

Comments

comments

Leave a Reply

Your email address will not be published. Required fields are marked *

*