പ്രേം നസീര്‍ പോയത് നന്നായി, ഇല്ലെങ്കില്‍..!; സംഘപരിവാറിനെതിരേ റഫീഖ് അഹമ്മദ്!

 

 

 

 

സംവിധായകനും  ചലച്ചിത്ര  അക്കാദമി  ചെയര്‍മാനുമായ  കമലിനെതിരെ  നടക്കുന്ന  സംഘ പരിവാര്‍  നീക്കങ്ങള്‍ക്കെതിരെ എഴുത്തുകാരനും  കവിയും  ഗാന രചയിതാവുമായ  റഫീഖ്  അഹമ്മദ്.  പ്രേംനസീറിന്റെ  യഥാര്‍ത്ഥ പേരെടുത്ത്  പറഞ്ഞാണ് കമലിനെ  കമാലുദ്ദീനാക്കാനുളള  നീക്കങ്ങളെ  അദ്ദേഹം  പരിഹസിക്കുന്നത്.  ചിറയിന്‍കീഴ്  അബ്ദുള്‍ഖാദറേ  എന്നു  വിളിക്കപ്പെടും  മുന്‍പ്  പ്രേം നസീര്‍  പോയത്  നന്നായി.  ഒന്നുമല്ലെങ്കിലും  ശ്രീരാമനും  ശ്രീകൃഷ്ണനുമൊക്കെ ആയി അഭിനയിച്ച  ഒരു   ദേഹമല്ലിയോ?  എന്നാണ്  റഫീഖ്  അഹമ്മദിന്റെ  ചോദ്യം.  തിരുവനന്തപുരത്ത്  നടന്ന  അന്താരാഷ്ട്ര ചലച്ചിത്രോത്സവത്തില്‍ തിയറ്ററുകളില്‍  എല്ലാ  സിനിമകള്‍ക്കും   മുന്‍പായി  ദേശീയ ഗാനം  ആലപിക്കുന്നതിനെ സുപ്രീം കോടതിയില്‍   കൊടുങ്ങല്ലൂര്‍  ഫിലിം  സൊസൈറ്റി  ചോദ്യം  ചെയ്തിരുന്നു.

ഇതില്‍  കമലിന്  പങ്കുണ്ടെന്നും   അദ്ദേഹം  ദേശീയ ഗാനം  ആലപിക്കുന്നതിന്  എതിരാണെന്നും  യുവ മോര്‍ച്ച  ആരോപിച്ച്‌ രംഗത്തെത്തിയിരുന്നു.  കൂടാതെ  യുവമോര്‍ച്ച  പ്രവര്‍ത്തകര്‍  കമലിനെ  കമാലുദ്ദീന്‍  എന്നു  വിളിച്ച്‌  പ്രകടനം  നടത്തുകയും പാകിസ്ഥാനിലേക്ക്  പോകണമെന്ന്  ആവശ്യപ്പെടുകയും  ചെയ്തിരുന്നു.  ഇതിനെതിരെ  വ്യാപക  പ്രതിഷേധങ്ങളും  ഉണ്ടായി. മുഖ്യമന്ത്രി  പിണറായി  വിജയന്‍  തന്നെ  സംഘപരിവാറിന്  മറുപടി  നല്‍കുകയും  ചെയ്തു.  കമല്‍  എന്ന  വ്യക്തിയുടെ  മതം തെരഞ്ഞുപിടിച്ച്‌   അദ്ദേഹത്തെ  കമാലുദ്ദീന്‍  ആക്കാന്‍  നടക്കുന്ന  വര്‍ഗീയ  ശ്രമങ്ങള്‍  നടക്കില്ലെന്നും  പിണറായി വ്യക്തമാക്കിയിരുന്നു.

Related Contents

Comments

comments

Leave a Reply

Your email address will not be published. Required fields are marked *

*