സൗമ്യവധക്കേസ്: പുനഃപരിശോധന ഹര്‍ജി സുപ്രീംകോടതി തള്ളി!!

soumyaa

 

 

 

 

 

 

സൗമ്യവധക്കേസ്  പ്രതി  ഗോവിന്ദച്ചാമിയുടെ  വധശിക്ഷ  റദ്ദാക്കിയതിനെതിരെ  സംസ്ഥാന  സര്‍ക്കാരും  സൗമ്യയുടെ  അമ്മയും നല്‍കിയ  പുനഃപരിശോധന  ഹര്‍ജി  സുപ്രീംകോടതി  തള്ളി.   ഗോവിന്ദച്ചാമിക്കെതിരായ  കൊലക്കുറ്റം  നിലനില്‍ക്കില്ലെന്ന്  സുപ്രീംകോടതി  വ്യക്തമാക്കി.   അതിനിടെ  കോടതിയില്‍  ഹാജരായ  മുന്‍  ജഡ്ജി  മാര്‍ക്കണ്ഡേയ  കട്ജുവും  ജസ്റ്റിസ്  രഞ്ജന്‍  ഗോഗോയും  തമ്മില്‍  വാക്കേറ്റം  ഉണ്ടായത്  നാടകീയ  രംഗങ്ങള്‍  സൃഷ്ടിച്ചു.  ചരിത്രത്തിലാദ്യമായാണു  സുപ്രീം കോടതി,  ഒരു  കേസില്‍  മുന്‍  ജഡ്ജിയെ  വിളിച്ചു വരുത്തിയത്.

സൗമ്യ  വധക്കേസില്‍  ഗോവിന്ദച്ചാമിക്കെതിരെയുളള  കൊലക്കുറ്റം ഒഴിവാക്കുകയും  വധശിക്ഷ  റദ്ദുചെയ്യുകയും  ചെയ്ത  സുപ്രീംകോടതി  വിധിയെ  രൂക്ഷമായ  ഭാഷയില്‍  വിമര്‍ശിച്ച്‌  ജസ്റ്റിസ് കട്ജു ഫെയ്സ്ബുക്ക് പോസ്റ്റിട്ടിരുന്നു.  ഇതു  ഹര്‍ജിയായി  പരിഗണിച്ചാണു  സുപ്രീം  കോടതി  കട്ജുവിന്‍റെ  നിലപാടറിയാന്‍  തീരുമാനിച്ചത്.  ഗോവിന്ദച്ചാമിയുടെ  വധശിക്ഷ  പുനഃസ്ഥാപിക്കണമെന്നും  സുപ്രീം  കോടതി  വിധിയില്‍  നിയമപിഴവുണ്ടെന്നുമാണു  കട്ജുവിന്‍റെ  നിലപാട്.   ചീഫ്  ജസ്റ്റിസ്  അധ്യക്ഷനായ  വിശാല  ബെഞ്ചിനു  കേസ്  കൈമാറണമെന്നാണു  കട്ജുവിന്‍റെ  അഭിപ്രായം.   സൗമ്യ  ചാടിയതാണെന്നു  കേട്ടുകേള്‍വിയുടെ  അടിസ്ഥാനത്തില്‍  നാലും  നാല്‍പ്പതും  സാക്ഷികള്‍  നല്‍കിയ  മൊഴി  അവഗണിക്കണമെന്നാണ്  കട്ജുവിന്‍റെ  വാദം.   ഇതു  സംസ്ഥാന  സര്‍ക്കാരിന്‍റെ  ഹര്‍ജിയിലും  ആവശ്യപ്പെടുന്നുണ്ട്.   വിധി  പുനഃപരിശോധിക്കുന്നതില്‍  ജഡ്ജിമാര്‍ക്ക്  ഈഗോ  പാടില്ലെന്നും  ക‍‍ട്ജു  പറഞ്ഞിരുന്നു.

 

Related Contents

Comments

comments

Leave a Reply

Your email address will not be published. Required fields are marked *

*